5
Epic Games Korea rəsmi olaraq elan edib ki, məşhur futbolçu və “Tottenhem” klubunun kapitanı Son Xın Min-in obrazı Fortnite oyununa əlavə ediləcək. Oyunçular onu 21 iyun tarixindən etibarən əldə edə biləcəklər.
Icon Series-də beşinci futbolçu
Son Xın Min, Fortnite-un Icon Series kolleksiyasına daxil ediləcək beşinci futbolçu olacaq. Ondan əvvəl oyuna Neymar, Lionel Messi, Harri Keyn və Marko Roys-un obrazları daxil edilmişdi. Bu kolleksiya məşhur idmançılar və məşhurları özündə birləşdirən eksklüziv seriyadır.
Qeyd edək ki, Son Xın Min Cənubi Koreyanın ən məşhur idman ulduzlarından biri hesab olunur və oyunçular arasında böyük pərəstişkar kütləsinə malikdir.
