HLTV portalı 20 iyul tarixinə olan CS2 üzrə dünyanın ən yaxşı komandalarının yenilənmiş həftəlik reytinq cədvəlini dərc edib.

Ən Yaxşı 10 Komanda və Sıralama

IEM Cologne Major-da qazandığı qələbədən bir ay sonra “Falcons” komandası 902 xalla cədvələ rəhbərlik etməyə davam edir. İkinci yeri 779 xalla “Vitality” tutur.

Əsas dəyişikliklər ilk dördlükdə baş verib: “FURIA” (671 xal) üçüncü sıraya yüksələrək “Spirit” (669 xal) kollektivini dördüncü pozisiyaya sıxışdırıb. “NAVI” isə mövqeyini dəyişməyərək 502 xalla beşinci yerdə qərarlaşıb.

Komandaların cari sıralaması:

• 1-ci yer: Falcons — 902 xal
• 2-ci yer: Vitality — 779 xal
• 3-cü yer: FURIA — 671 xal
• 4-cü yer: Spirit — 669 xal
• 5-ci yer: NAVI — 502 xal
• 6-cı yer: 9z — 370 xal
• 7-ci yer: Aurora — 364 xal
• 8-ci yer: G2 — 318 xal
• 9-cu yer: BB Team — 317 xal
• 10-cu yer: Legacy — 233 xal

Braziliyanın “Legacy” komandası ilk onluğu tamamlamaqla “MOUZ” kollektivini 11-ci pilləyə (207 xal) gerilədib.

Analitik Aleks “Mauisnake” Ellenberqin fikrincə, “BC.Game” 2026-cı ilin yay mövsümlərarası fasiləsində bütün Counter-Strike 2 komandaları arasında ən yaxşı heyət dəyişikliklərini edən kollektiv olub. Ekspert öz YouTube kanalında aparıcı komandaların keçirdiyi transferləri qiymətləndirdiyi yeni video yayımlayıb.

Magisk və mzinho Transferləri Yüksək Qiymətləndirildi

“BC.Game” mövsümlərarası fasilə zamanı iki oyunçusunu əvəzləyib. Komanda əfsanəvi çoxqat Major çempionu Emil “Magisk” Reyfi kapitan qismində heyətinə cəlb edib. Digər transfer isə “The MongolZ” klubunun gənc və gələcək vəd edən oyunçusu Ayuş “mzinho” Batbold olub. Azbayar “Senzu” Munxboldun daimi oyunçu kimi təsdiqlənməsi ilə heyət tam formalaşıb.

“Mauisnake” öz videosunda bu dəyişiklikləri top komandalar arasında ən uğurlusu kimi dəyərləndirib. Onun reytinqinin ən aşağı pilləsində isə “Monte”nin əsas heyətini transfer edən “Luminosity Gaming” qərarlaşıb.

Yeni Mövsüm Başlayır

Mövsümlərarası fasilə artıq başa çatmaq üzrədir, çünki iyulun 21-də “BLAST Bounty Summer 2026”-nın qapalı seçmə mərhələləri start götürür. Valve-ın regional reytinqlərində yüksək mövqelərdə qərarlaşan komandaların əksəriyyəti yeni mövsümə məhz bu turnirdə başlayacaqlar.

Valve-ın ilk dəfə IEM Cologne Major 2026 zamanı tətbiq etdiyi yeni stiker satışı sistemi kiberidman təşkilatlarının kütləvi narazılığına səbəb olub. HLTV-nin məlumatına görə, klublar artıq gəlirlərin kəskin şəkildə azaldığını bildirirlər, sənaye nümayəndələri isə bu dəyişikliklərin peşəkar Counter-Strike-ın bütün iqtisadiyyatına ciddi təsir göstərə biləcəyi barədə xəbərdarlıq edirlər.

Klubların Gəlirləri Onlarla Dəfə Azalıb

Ən böyük zərbəni səhnənin nəhəngləri sırasına daxil olmayan komandalar alıb. Əgər əvvəlki Major turnirlərində hətta erkən mərhələlərdə mübarizəni dayandıran kollektivlər stiker satışı sayəsində təxminən 600 min dollar əldə edirdilərsə, yeni modelin tətbiqindən sonra bəzi “Stage 1” iştirakçıları cəmi 60 min dollar civarında gəlir əldə etdiklərini bildirirlər. Bir çox təşkilat üçün məhz bu ödənişlər oyunçuların maaşlarını, transferləri, turnirlərdə iştirakı və akademiya heyətlərinin saxlanılmasını qarşılayan, bütün mövsüm boyu əsas maliyyə mənbəyi rolunu oynayırdı.

Valve Nələri Dəyişdi?

Yeni sistemin əsas fərqi ənənəvi stiker kapsullarından tamamilə imtina edilməsidir. İndi istifadəçilər xüsusi tokenlər vasitəsilə konkret stikerləri alırlar və onların qiyməti tələbə əsasən müəyyənləşir. Ən populyar avtoqraflar və loqotiplər, az tanınan variantlara nisbətən əhəmiyyətli dərəcədə baha ola bilər.

Bundan əlavə, Valve gəlirlərin paylanması prinsipini də avtomatik olaraq dəyişib. Əgər əvvəllər təşkilatlar oyunçularla müqavilələrdə ödəniş şərtlərini özləri müəyyən edirdilərsə, indi qazancın yarısı avtomatik olaraq komandalara, digər yarısı isə oyunçulara bərkidilir. Cari müqavilələri köhnə modelə uyğun hesablanmış bir çox klub üçün bu addım gözlənilməz olub.

Maliyyə Problemləri və Transfer Bazarında Təhlükə

Klub nümayəndələri etiraf edirlər ki, yeni sistem onları maliyyə planlarına yenidən baxmağa məcbur edir. Gəlirlərin kəskin azalması səbəbindən təşkilatlar transferlər, akademiyalar və heyətlərin inkişafı üçün büdcələri ixtisar edə bilərlər. Sənaye nümayəndələrinin sözlərinə görə, indi hətta Major-da uğurlu çıxışdan sonra belə xərcləri qarşılamaq xeyli çətinləşib. Bunun ən səs-küylü nümunələrindən biri artıq Counter-Strike səhnəsindən gedişini elan edən “Gaimin Gladiators” klubu olub. Səhnə daxilində vəziyyət dəyişməyəcəyi təqdirdə bunun yalnız bir başlanğıc olmasından qorxurlar.

Digər bir nəticə isə bütün transfer siyasətinin dəyişməsi ola bilər. Klub rəsmiləri oyunçuların böyük məbləğlərlə transfer edilməsinin və yüksək maaşların tədricən keçmişdə qalacağını gözləyirlər. Təşkilatlar yeni oyunçulara investisiya qoyarkən daha ehtiyatlı davranacaqlar, çünki artıq Major turnirindən sonra böyük ödənişlərə arxalana bilmirlər. Bu, illərdir Major-a vəsiqə qazanmağı maliyyə sabitliyini təmin etmək imkanı kimi görən Tier-2 və Tier-3 komandalarına xüsusilə təsir edə bilər.

Valve Hələlik Heç Bir Şərh Vermir

Genişmiqyaslı tənqidlərə baxmayaraq, Valve hələlik yeni sistemi yenidən nəzərdən keçirmək planları barədə məlumat verməyib. Kiberidman səhnəsinon nümayəndələri tərtibatçıların növbəti Major turnirinə qədər müəyyən düzəlişlər edəcəyinə ümid bəsləyirlər, lakin lütbokslarla (lootbox) bağlı hüquqi məsələlərə görə klassik kapsulların geri qayıtması ehtimalı az hesab olunur.

Yeni stiker sistemi Valve-ın son illərdəki ən mübahisəli qərarlarından birinə çevrilib. Əgər əvvəllər Major əksər təşkilatlar üçün heyətlərə qoyulan investisiyaları çıxarmaq üçün əsas fürsət idisə, ipad bir çox klub gəlirlərin əhəmiyyətli dərəcədə azalmasından danışır. Əgər bu model yenidən nəzərdən keçirilməsə, yaxın mövsümlərdə CS2 peşəkar səhnəsi təşkilatların sayının azalması, oyunçu maaşlarının aşağı düşməsi və daha passiv transfer bazarı ilə üzləşə bilər.

“HEROIC” komandası “Stake Ranked Episode 3” turnirinin qran-finalında “K27” kollektivini 3:0 (Nuke 13:9, Mirage 13:11, Dust2 13:11) hesabı ilə məğlub edərək 25 000 dollar mükafat qazanıb. Həlledici qarşılaşma iyulun 18-də Barselonada baş tutub. “Ninjas in Pyjamas” komandası isə aşağı şəbəkədə “K27″yə uduzduqdan sonra turniri üçüncü sırada tamamlayıb.

Chr1zN-dən Möhtəşəm Çıxış

Kristoffer “Chr1zN” Storqaard 62 öldürmə (kill) və 45 ölüm göstəricisi ilə qran-final seriyasının ən yaxşı oyunçusu seçilib. Onun ADR (orta raund zərəri) göstəricisi 99 təşkil edib ki, bu da matçdakı bütün kiberidmançılar arasında ən yüksək nəticədir. Qarşı tərəfdə isə heç bir oyunçu görüşü müsbət K/D (öldürmə/ölüm) nisbəti ilə başa vura bilməyib.

Mükafat Fondunun Bölgüsü

Turnirin ümumi mükafat fondu 100 000 dollar təşkil edib və çempion “HEROIC” bu məbləğin ən böyük payını – 25 000 dolları öz aktivinə yazdırıb. Yarışdan erkən ayrılan klublar da daxil olmaqla, bütün iştirakçılar pul mükafatı əldə ediblər. İkinci yeri tutan “K27” komandası isə 17 500 dollar qazanıb.

“Stake Ranked Episode 3” turniri 15-18 iyul tarixlərində İspaniyanın Barselona şəhərində keçirilib. Səkkiz güclü kollektiv 100 000 dollarlıq mükafat fondu uğrunda gərgin mübarizə aparıb.

Bu MelBet baxışında 21 iyul-2 avqust tarixlərində keçiriləcək ən vacib kiberidman turniri haqqında danışırıq.

İştirakçılar, format və mükafat fondu

BLAST Bounty Summer 2026 turnirində VRS reytinqi əsasında dəvət olunan 32 komanda mübarizə aparacaq. Turnirdə demək olar ki, bütün dünya elitası iştirak edəcək. Yalnız NAVI və Legacy-nin olmamasını ayrıca qeyd etmək olar.

Çempionat iki mərhələdə keçiriləcək. 21–26 iyul tarixlərində bütün 32 komandanın Single-elimination formatında mübarizə aparacağı onlayn mərhələ baş tutacaq. Ən yaxşı səkkiz komanda 31 iyul–2 avqust tarixlərində Maltada keçiriləcək final mərhələsinə vəsiqə qazanacaq.

Turnirin ümumi mükafat fondu $1 150 000 təşkil edəcək. Yekun yerlərə görə nəzərdə tutulan zəmanətli mükafatlarla yanaşı, mükafat fondunun bir hissəsi Bounty sistemi üzrə bölüşdürüləcək: hər komandanın öz «dəyəri» var və bu məbləğ turnir irəlilədikcə artır.

Vitality geri qayıdacaq, yoxsa Falcons dövrü başlayıb?

Cəmi bir neçə ay əvvəl bu sual mənasız görünürdü: Vitality peşəkar səhnədə tam üstünlük qurmuş və rəqiblərinə demək olar ki, heç bir şans vermirdi. Lakin IEM Cologne Major turnirində Falcons Fransa təmsilçisinin məğlubedilməzlik seriyasına son qoydu və çempionluğu qazandı.

Əgər Vitality revanş ala bilsə, lider dəyişikliyi ilə bağlı söhbətlər tez bir zamanda səngiyə bilər və Dan “apEX” Madesclaire müsahibələrində yenidən özünəməxsus cəsarətli üslubuna qayıdar. Ancaq Falcons yenidən üstün gələrsə, artıq yeni eranın başlandığını ciddi şəkildə demək mümkün olacaq və hətta Finn “karrigan” Andersen üçün abidə ucaltmaqdan danışılacaq.

Spirit və FURIA da çempionluğa namizəddir

Son Major turnirində Spirit əla oyun nümayiş etdirdi və yalnız yarımfinalda gələcək çempiona məğlub oldu. Komanda qələbələrə acdır və favoritlərə ciddi meydan oxumağa hazırdır.

FURIA uzun müddətdir ki, ən nüfuzlu turnirlərin çempionluğu uğrunda əsas namizədlərdən biri hesab olunur, Köln turnirində isə qrand-finala qədər irəlilədi. Komanda hazırkı formasını qoruya bilsə, yenidən titul uğrunda mübarizə apara bilər.

Aurora Gaming beynəlxalq istiqaməti seçdi

Aurora yay transfer dövrünün ən çox diqqət çəkən komandalarından birinə çevrildi. Təşkilat tamamilə türkiyəli oyunçulardan ibarət heyətdən imtina etdi. Komandanı Engin “MAJ3R” Küpeli və Caner “soulfly” Kesici tərk etdi. Onların yerinə finlandiyalı Jimi “Jimpphat” Salo və şimali makedoniyalı Damjan “kyxsan” Stoilkovski qoşuldu. Daha bir dəyişiklik isə Aurora-nın baş məşqçisi vəzifəsinə britaniyalı Ashley “ashhh” Battye-nin təyin olunması oldu.

BLAST Premier Bounty 2026 yeni oyunçuların və məşqçinin bu iddialı layihəni dünyanın ən güclü komandaları ilə mübarizə apara biləcək kollektivə nə qədər tez çevirə biləcəyini göstərəcək.

Reşafllardan sonra kimləri izləməyə dəyər

G2 Esports heyətdə cəmi bir dəyişiklik etsə də, bu addım komandanın oyun üslubuna ciddi təsir göstərə bilər. Snayper Álvaro “SunPayus” García-nın yerini Artem “r1nkle” Moroz tutub. Ehtiyatlı oyun tərzinə üstünlük verən SunPayus-dan fərqli olaraq, r1nkle daha aqressiv üsluba üstünlük verir. Major turnirindəki uğurlu çıxışından sonra məhz bu transfer G2-ni hücumda daha da təhlükəli komandaya çevirə bilər.

FUT Laurențiu “lauNX” Țârlea-nı itirdi. Oyunçu Türkiyə təmsilçisini öz istəyi ilə tərk etdi. Onun yerinə daha təcrübəli Yasin “xfl0ud” Koç gəldi. Lakin “lauNX”un gedişi ilə komanda emosional liderini də itirmiş oldu. Əsas sual budur: yeni heyət həlledici qarşılaşmalarda əvvəlki enerjisini qoruya biləcəkmi?

FaZe nəhayət heyətin yenidən qurulmasını başa çatdırdı. Helvijs “broky” Saukants komandanı tərk etdikdən sonra əsas snayper rolu gənc Jason “JBOEN” Boe Nielsenə həvalə olundu. İlk nəticələr nikbinlik yaradır: yenilənmiş heyət XSE Pro League 2026 turnirində yarımfinala yüksələrək güclü Tier-2 komandaları ilə mübarizə aparmağa qadir olduğunu göstərdi. İndi əsas sual budur: FaZe bu uğuru ən yüksək səviyyəli turnirlərə də daşıya biləcəkmi

100 Thieves: əfsanəvi adlar geri qayıdır

100 Thieves turnirin ən maraqlı komandalarından biridir. Heyətdə Nicolai “device” Reedtz və Håvard “rain” Nygaard çıxış edir, komandanın baş məşqçisi isə əfsanəvi Lukas “gla1ve” Rossanderdir. Yay transfer dövründə heyət britaniyalı Jack “Gizmy” von Spreckelsen ilə gücləndirildi. BLAST Premier Bounty 2026 Tier-2 səhnəsindəki uğurlardan sonra komanda üçün ciddi sınaq olacaq.

Əfsanəvi xəritə də geri qayıdır

Cache xəritəsi rəqabətli xəritələr hovuzunda Overpass-ı əvəz edib. O, qarşıdakı turnirdə uğura təsir edən əsas amillərdən birinə çevrilə bilər. Hansı komandalar Cache-i öz üstünlüyünə çevirəcək, hansıları isə onu ban etməyə üstünlük verəcək?

Ən maraqlı kiberidman hadisələrindən zövq al və MelBet platformasında ən sərfəli əmsallarla mərc et! MelBet pul ödəyirmi? Əlbəttə, bəli! Əsas odur ki, platformanın qaydalarına əməl edəsən.

BLAST təşkilatçıları “BLAST Bounty 2026 Season 2” turnirini rəsmən təqdim ediblər. Turnirdə 32 komanda mübarizə aparacaq. Onlardan 28-i 2 iyun tarixinə olan Qlobal VRS reytinqi əsasında dəvət alıb, qalan dördü isə “Wildcard” dəvəti ilə yarışa qoşulub.

İştirakçılar və Turniri Buraxanlar

Yarışda iştirak edəcək komandalar bunlardır: Falcons, Vitality, Spirit, FURIA, Aurora, G2, MOUZ, FUT, GamerLegion, The MongolZ, FaZe, Astralis, paiN, magic, Alliance, M80, Ninjas in Pyjamas, Liquid, Sharks, Nemesis, 3DMAX, EYEBALLERS, Wildcard, HEROIC, Gentle Mates, Nuclear TigeRES, HOTU, SINNERS, FOKUS, 100 Thieves, OG və Nemiga.

Eyni zamanda, Natus Vincere, 9z, BB Team, Legacy və PVISION kimi bir neçə tanınmış komanda bu turniri buraxacaq.

Turnirin Formatı və Keçirilmə Tarixi

Yarış iyulun 21-dən 26-dək davam edəcək onlayn mərhələ ilə başlayacaq. Pley-offun ilk iki raundu rəqiblərin seçilməsi (draft) sistemi ilə “single-elimination” (məğlub olanın kənarlaşdırılması) formatında keçiriləcək: aşağı səbətdəki komandalar yuxarı səbətdəki rəqiblərini özləri seçəcəklər.

Ən yaxşı səkkiz komanda LAN-finala vəsiqə qazanacaq. Həlledici mərhələ iyulun 30-dan avqustun 2-dək Maltada baş tutacaq.

“Bounty” Sistemi və Mükafat Fondu

Turnirin ümumi mükafat fondu 1,15 milyon dollar təşkil edir. Bu məbləğin 500 min dolları klassik mükafat fondu, qalan 650 min dolları ise klublar arasında bölüşdürüləcək paydır.

Yarışın əsas xüsusiyyəti “bounty” (mükafat) sistemidir: hər bir komandanın özünəməxsus “mükafat dəyəri” var. Matçın qalibi rəqibin “bounty” məbləğinin 50%-ni pul mükafatı kimi dərhal qazanır, qalan hissə isə növbəti raunda köçürülür.

Klub ödənişlərinin paylanması:

• 1–8-ci yerlər: 40 000 dollar
• 9–16-cı yerlər: 26 500 dollar
• 17–32-ci yerlər: 7 500 dollar

Oyunların Cədvəli (Birinci Raund)

21 iyul:

• M80 – Ninjas in Pyjamas
• Nemesis – Astralis
• Nuclear TigeRES – MOUZ
• Alliance – Wildcard

22 iyul:

• EYEBALLERS – FaZe
• Nemiga – G2
• HOTU – GamerLegion
• 100 Thieves – Falcons

23 iyul:

• FOKUS – Aurora
• SINNERS – FUT
• Gentle Mates – paiN
• OG – Spirit

24 iyul:

• 3DMAX – magic
• HEROIC – The MongolZ
• Liquid – Vitality
• Sharks – FURIA