Valve şirkəti Steam platformasında 2025-ci ilin yekunlarını vuraraq, ümumi gəlirə görə ən uğurlu oyunların siyahısını təqdim edib. Məlumatlar həm yeni buraxılışları, həm də sınaqdan keçmiş servis layihələrini əhatə etməklə “bürünc”dən “platin”ə qədər müxtəlif səviyyələrə bölünüb.

Valve-ın rəsmi hesabatına əsasən, illik gəlirlərinə görə “platin” siyahıya 2025-ci ilin bir neçə mühüm buraxılışı daxil olub: ARC Raiders, Battlefield 6, Borderlands 4, Monster Hunter Wilds və Schedule I. Eyni zamanda, CS2, Dota 2 və PUBG: Battlegrounds kimi məşhur servis hitləri də bu çartda yer alıb. Qeyd edək ki, kateqoriya daxilində oyunların sıralanma ardıcıllığı açıqlanmır.

Valve-a görə 2025-ci ilin ən çox gəlir gətirən yeni oyunları:

• Borderlands 4
• The Elder Scrolls IV: Oblivion Remastered
• Civilization VII
• Monster Hunter Wilds
• ARC Raiders
• Schedule I
• Elden Ring Nightreign
• Battlefield 6
• Hollow Knight: Silksong
• Dune: Awakening
• Kingdom Come: Deliverance II
• EA Sports FC 26

Insider Gaming nəşrinin məlumatına görə, süni intellekt tərtibatçıları üçün nəzərdə tutulan cihazlara olan yüksək tələbat nəticəsində yaranan operativ yaddaş (RAM) qıtlığı PlayStation və Xbox-ın cari nəslinin qiymətlərinin artmasına səbəb ola bilər.

Mövcud vəziyyətin mümkün nəticələri:

• Qiymət artımı: Operativ yaddaşın qiyməti konsolların rəqabətqabiliyyətli qiymətinə birbaşa təsir göstərir.
• Yeni konsolların təxirə salınması: Yaddaş çatışmazlığı yeni nəsil konsolların bazara çıxarılmasının təxirə salınmasına gətirib çıxara bilər.
• Subsidiyaların azalması: Adətən konsollar əlçatan qiyməti qorumaq üçün subsidiyalarla satılır, lakin indiki vəziyyətdə cihazların dəyəri kəskin şəkildə dəyişə bilər.

İnsayderlər qeyd edirlər ki, süni intellektə olan maraq hələ də yüksək səviyyədə qalır, bu isə operativ yaddaş qiymətlərinin yaxın zamanda stabilləşməyəcəyi anlamına gəlir. Hazırda oyun sənayesi operativ yaddaşın əlçatanlığı ilə bağlı ciddi narahatlıq keçirir.

BioShock seriyasının yeni hissəsi ən sirli layihələrdən biri olaraq qalır. Oyunun yaradılma müddəti uzun müddətdir ki, çətinliklərlə müşayiət olunur və Take-Two nəşriyyatı konkret məlumat verməkdən qaçaraq oyunun “əfsanəvi franşizanın layiqli davamı olacağını” bildirməklə kifayətlənir. Lakin MP1st portalı gələcək şuterin süjet və dünya quruluşu xüsusiyyətlərini qismən üzə çıxaran eksklüziv detallar yayımlayıb.

Oyun haqqında sızdırılan əsas detallar:

• Məkan və Zaman: BioShock 4-ün hadisələri 60-cı illərin alternativ versiyasında, Antarktida ərazisində cərəyan edəcək.
• Şəhər: Əsas oyun lokasasiyası Borey şəhəri olacaq.
• Fraksiyalar: Süjetdə mühüm rolu “imtiyazlı elita” və ya öz ambisiyaları olan ayrı bir fraksiya sayılan Solariya (və ya Solaris) sakinləri oynayacaq.
• Elementlər: İnsayderlər fövqəlbəşər qabiliyyətlər bəxş edən, lakin güclü asılılıq yaradan “ADAM” maddəsinin geri qayıdacağını təsdiqləyiblər.
• Lokasiyalar: Oyunda bir boss döyüşünün baş tutacağı ehtimal edilən kazino və oyunun baş antaqonistinə həsr olunmuş “qızıl” heykəl kimi detallar qeyd olunur.

İnkişaf prosesi və gələcək:

Oyunun çıxış tarixi hələ də məlum deyil, çünki 2025-ci ildə layihənin hazırlanması prosesi faktiki olaraq yenidən başladılıb. Avqust ayında Cloud Chamber studiyasına təcrübəli böhran meneceri və Diablo franşizasının keçmiş rəhbəri Rod Fergüsson rəhbər təyin edilib. Problemli layihələri xilas etmək təcrübəsi olan Fergüssonun BioShock 4 üzərində işləri sürətləndirəcəyinə ümid bəslənilir.

Ötən həftəsonu məşhur şuter Rainbow Six Siege-in serverləri genişmiqyaslı xaker hücumuna məruz qalıb. İstifadəçilər kütləvi şəkildə hesablarına astronomik məbləğdə oyun daxili valyuta köçürüldüyünü və eksklüziv kosmetik əşyaların peyda olduğunu bildiriblər. Hadisə ilə əlaqədar Ubisoft serverləri müvəqqəti söndürsə də, bazar ertəsi səhər onları yenidən onlayn rejimə qaytararaq bütün dəyişiklikləri geri qaytarıb (rollback).

Bəzi oyunçuların hesablarının bloklanması ilə bağlı narahatlıqlarına cavab olaraq tərtibatçılar bildiriblər ki, bu valyutadan istifadəyə görə heç bir “ban” tətbiq edilməyib. Ubisoft həmçinin vurğulayıb ki, oyunçuların aldığı bloklanma ismarışları şirkət adından göndərilməyib.

Vx-Underground kibertexhlükəsizlik resursunun məlumatına görə, hücumda dörd fərqli qrup iştirak edib:

• Birinci qrup: Oyunun xidmət boşluğundan istifadə edərək oyunçuları bloklamaq və inventarları dəyişmək imkanı qazanıb. Onlar istifadəçi məlumatlarına toxunmadan oyunçulara təxminən 339 960 000 000 000 dollar (təxminən 340 trilyon) dəyərində valyuta “hədiyyə” ediblər.
• İkinci qrup: Birinci qrupdan asılı olmayaraq, MongoBleed (CVE-2025-14847) boşluğundan istifadə edərək Ubisoft-un daxili Git repozitoriyasına daxil olub. Onların 90-cı illərdən bu günə qədər olan daxili mənbə kodlarını, o cümlədən SDK və multiplayer xidmətlərini ələ keçirdikləri iddia edilir.
• Üçüncü qrup: İstifadəçi məlumatlarını oğurlayaraq şirkəti şantaj etməyə çalışır. Onların Telegram-da aktiv olduqları bildirilsə də, bu iddialar hələ rəsmən təsdiqlənməyib.
• Dördüncü qrup: İkinci qrupun yalan danışdığını, daxili kodlara artıq uzun müddətdir çıxışlarının olduğunu iddia edir.