“FUT Esports”un sabiq oyunçusu Laurentsiu “lauNX” Tsırlya mövsümlərarası fasilədə “BCGame”ə (“s1mple“ın komandası) keçə biləcəyi ilə bağlı şayiələri təsdiqləyib. Rumıniyalı kiberidmançı bu barədə “Thorin”ə müsahibəsində danışıb.
Uğursuz transfer və “lauNX”in şərhi
“lauNX”in sözlərinə görə, o, həqiqətən də komandanın heyətinə qoşulmaq istəyib, lakin yekunda “BCGame” rəhbərliyi üstünlüyü “mzinho”ya verib:
“Mən həqiqətən də bu komandada olmaq istəyirdim. Onlar mənə təklif göndərən sonunculardan idilər. Lakin yekunda daha sərfəli variant tapdılar. Bu qərar məntiqlidir. ‘mzinho’ ‘Senzu’ ilə yaxın dostdur. Üstəlik, o, tir-1 (tier-1) səviyyəsində məndən daha çox matç keçirib, buna görə də hər şey anlaşılandır. Mən əsəbiləşmədim, bunu anlayışla qarşılayıram”, — deyə lauNX izah edib.
