4
Tundra Esports komandası BLAST Slam III üzrə Dota 2 turnirində çempion adını qazandı. Danimarkanın Kopenhagen şəhərində yerləşən BLAST Studios ev sahibliyi etdiyi final qarşılaşmasında Tundra Team Falcons üzərində 3:1 hesabı ilə qələbə qazanaraq ardıcıl ikinci dəfə bu seriyanın qalibi oldu.
Turnir 6–11 may tarixlərində keçirilib və ümumi 1 milyon ABŞ dolları həcmində mükafat fondu təqdim olunub. Çempionluq Tundra Esports-a 300 min dollar, finalda uduzan Team Falcons-a isə 150 min dollar qazandırdı.
Bu uğur Tundra üçün yalnız maliyyə baxımından deyil, həm də Dota 2 səhnəsində mövqelərini daha da möhkəmləndirmək baxımından önəmli oldu. Komanda ardıcıl ikinci BLAST Slam titulunu qazanmaqla öz sabit oyun performansını bir daha sübut etdi.
