“Falcons” təşkilatı “Dota 2” heyətini buraxdığını və bu intizamdan tamamilə ayrıldığını rəsmən elan edib. Klub yeni heyət formalaşdırmağı planlaşdırmır.
Komanda 2023-cü ilin sonlarında toplanmışdı və 1030 gün ərzində heyətdə bir dənə də olsun dəyişiklik edilməmişdi. Bu müddət ərzində “Falcons” bir sıra nüfuzlu titullar qazanıb; kollektivin ən böyük zəfəri isə finalda “Xtreme Gaming”i 3:2 hesabı ilə məğlub edərək çempion olduğu “The International 2025” turniri olub.
Birgə çıxışlar dövründə heyət 7 332 665 dollar mükafat fondu qazanıb. “Falcons”un digər uğurları arasında “ESL One Birmingham” və “DreamLeague” mövsümlərindəki qələbələr, həmçinin unikal rekord yer alır: komanda “Dota 2” tarixində matçlarda 500 qələbə qazanan ilk kollektiv olub.
Son turnir və vidalaşma
Heyətin iştirak etdiyi son böyük turnir “Falcons”un 7–8-ci yerləri tutduğu “The International 2026” oldu. Kollektiv yuxarı torda “Nigma Galaxy”yə məğlub olduqdan sonra “Team Liquid” tərəfindən turnirdən kənarlaşdırıldı.
“Falcons” rəhbərliyi “Dota 2″dəki yollarını “inanılmaz bir səyahət” adlandırıb, birgə anlara görə oyunçulara, heyətə və azarkeşlərə təşəkkürünü bildirib. Oyunçuların gələcək karyera planları barədə təşkilat hələlik açıqlama verməyib.
